Emosyonal nga nagpadayag sa iyang dakong pagpasalamat si Mr. Raymond James Garrovillo, usa ka regular nga empleyado sa kagamhanang probinsyal sa Zamboanga del Norte, ngadto ni Governor Rosalina ‘Nanay Nene’ Jalosjos, human nakadawat sa usa ka unit nga Asus Laptop, atol sa gipahigayong Year-End Cultural Show Competitions and Raffle Bonanza, sa ZN Cultural and Sports Center, Dipolog City, Desyembre 22 ning tuig.
Saysay ni Mr. Garrovillo, nga wala niya damha ang maong swerte tungod sa kadaghan sa mga empleyado sa probinsya, hinungdan sa pagtulo sa iyang luha, og nagpasalamat ni Nanay Nene.
Dugang niya, nga “dugay na nakong gipangandoy nga mopalit ug laptop, kay akong anak nag eskwela ug nursing, manghulam ra sige sa iyang classmate.
Emosyonal siya tungod kay matod niya, kon “gamiton na sa tag-iya ang laptop, adto napod sa laing classmate manghulam ang iyang anak.
Padayon nga nagpadagayday sa iyang luha si Mr. Garrovillo nga nagsaysay sa pait nga kaagi sa iyang anak nga matod “Sakit kaayo sa dughan sa usa ka amahan nga dili ma provide ang gikinahanglan sa usa ka anak. Sanglit, sa kadako sa akong pamilya, dili na gyud magahinan tungod kay kinahanglan man unhon ang primary needs sa pamilya, og sa wala nako damha, karong adlawa nahatagan ug katumanan sa atong makagagahum ang dugay na nakong gipangandoy pinaagi ni Governor “NANAY NENE JALOSJOS.”
Subling nagpasalamat si Mr. Garrovillo, ni Governor Nanay Nene, “dili nko malimtan ang imong kaayo.  Hinaut hatagan ka ug maayong panglawas ug taas pang kinabuhi aron daghang pang pamilya ug kinabuhi nga imong matabangan.”
“Karong paskoha ang usa sa mga pasko nga dili nko makalimtan.” panapos nga mensahe ni Garrovillo.
Kahibaloan, nga nagpa raffle draw ang kagamhanang probinsyal sa mga nagkalain-laing papremyo para sa mga empleyado. (PIC-Nena M. Garcia)
(Source: Provincial Government of Zamboanga del Norte Facebook page)