El Western Mindanao Command (WESTMINCOM), recientemente ya organiza team building activity para na diila civilian workforce y ya conduci tambien Care Caravan, para con el maga personas mayores (Senior Citizens), y personas con discapacidad (PWD’s) na Barrio Tulungatung, Zamboanga City.
Este evento, ay uno del maga actividades del WESTMINCOM es parte na 20th Founding Anniversary celebration y ya organiza pormedio de Office of the Assistant Chief of Unified Command Staff for Personnel, que ta encavesa si Colonel Freddie Calosing, na socio del consejo de barrio Tulungatung, agencias de govierno, privado organizacion, y maga voluntarios del comunidad.
Ya proporciona tambien varios servicio de apoyo y asistencia, con el maga abuelo y abuelo y maga personas con discapacidad durante el conducida del Care Caravan, destacando el compromiso del mando na bienestar del comunidad y inclusivo servicio publico.
Ademas, jende lang ta promove el unido de trabaja junto del maga personajes civil, sino el actividad ay segun para na fortalece el cooperacion entre militar, govierno local, y socio organizaciones na entregada del humanitario asistencia na comunidad.
Na otro parte, el Comandante del WESTMINCOM, si Teniente General Donald M. Gumiran ya alaba con el maga organizadores, voluntarios, y socio agencias por el diila dedicacion, y ta enfatiza ele el protejeda con el nacion ta significa tambien este el cariñoso con el maga gente, especialmente el maga vulnerable sector como maga personas mayores y personas con discapacidad
Omentos pa del Comandante, que el iniciativa como el Care Caravan un grande ayuda para construi el mafuerza confianza y cooperacion ambos Fuerzas Armadas y Comunidades Local.
El exitoso del evento, ta reflecta el continuando compromiso del WESTMINCOM para na servicio, socios, y desarollo del sociedad que ta marca dos decadas del fortalecimiento unido y operacion interinstitucional para lo mismo queda mas resiliente el oeste Mindanao (Western Mindanao). (Keith Luna)