Tallo a Sustainable Livelihood Program Associations (SLPAs) manipud iti Munisipalidad ti Paoay ti karaman kadagiti immawat iti Product Development and Advancement Grant (PDAG) bayat ti pannakaiwaras dagiti livelihood grants nga indauluan ti Opisina ni Congressman Angelo Marcos Barba, iti pannakitinnulong ti Department of Social Welfare and Development (DSWD), a naangay sadiay San Nicolas, Ilocos Norte. Timmabuno ni Mayor Shiella A. Galano iti nasao nga aktibidad tapno ipakitana ti suportana kadagiti benepisiario ken pasingkedanna manen ti panagkumit ti Gobierno Munisipal ti Paoay kadagiti gannuat a mangpapigsa kadagiti programa ti panagbiag a naibatay iti komunidad ken mangparnuay kadagiti sustainable economic opportunities. Kablaawan ti Gobierno Munisipal ti Paoay dagiti tallo a nakaawat nga SLPA ken iyebkasna ti panagyamanna iti Office of Congressman Angelo Marcos Barba ken iti Department of Social Welfare and Development iti agtultuloy a panagtinnulongda a mangpabileg kadagiti komunidad babaen ti sustainable livelihood assistance By: Niña Tabilos