El venedero Zamboanga Peninsula Regional Athletic Association (ZPRAA), que hay conduci aqui na ciudad de Zamboanga, hay adopta con el altisimo indice de calor (soaring heat index) que ta causa el fenomeno de El Niño.
Asegun con Elbert Atilano, el director ejecutivo del Philippine Sports Commission (PSC), mayoriya del mga jeugos hay juga temprano aga y temprano denoche todo’l dia siendo completo el facilidades de luzes el Joaquin Enriquez Memorial Sports Complex.
Si Atilano ya habla, el ajustamiento del mga juegos intendido para proteje con el mga atleta desde’l exposicion directa na altisimo calor del sol desde’l hora de alas 10 del aga hasta alas 3 del tarde.
El un semana conducida del ZPRAA hay comensa na Domingo, Abril 21 que hay participa mas or menos 10,000 estudiante-atletas y oficiales tecnico desde’l ocho delegaciones del diferente partes de region.
El mga delegaciones ta principia ya llega en preparacion para el de todo grande actividad de deportes na region.
El conducida del ZPRAA ay termina na Abril 27. (B. Garcia)
