Cagayan de Oro – GARBO ug kalipay sa pamunoan sa City College of Cagayan de Oro ubos sa pagpangulo ni Dr. Jestoni P. Babia nga gihatagan na og Certificate of Accreditation sa TESDA Region 10 isip Competency Assessment Center for Barangay Health Services (BHS) NC II adlaw’ng Huwebes, Abril 17, 2024.
Mismo si TESDA X Provincial Director Marigold Cherie R. Garrido ug Senior TESD Specialist Miraluna T. Calibo ang mitunol sa certificate sa city college nga gidawat ni City College Technical Skills and Technology Institute (TSTI) Vocational School Administrator Mr. Jerome Torres ug gisaksihan usab nila ni Unified TVET Program Registration and Accreditation System (UTPRAS) Officer Valcyrus Madarieta, Associate Vice President for Academics Dr. Ray Butch Mahinay ug Dean for Curriculum and Instruction Dr. Ma. Aira Chenessa Aguilar.
Nasayran nga duha lamang sa tibook rehiyon ang giilang accredited assessment center alang sa BHS NC II ug usa niini ang City College of Cagayan de Oro, samtang anaa usab sa Tangub City sa Misamis Occidental.
Alang sa dugang kasayuran sa guidelines ug assessment schedule, bisita lamang sa official Facebook page sa City College: www.https://facebook.com/orocitycollegeofficial o kaha mensahe kang Ms. Angelou V. Pepino, Processing Officer sa mobile number 0917-774-2177.
News and photo courtesy of CIO CDO
