Irido el un chufer de motorsiclo y un ocho años bata mujer na un accidente vehicular Biyernes aga na Sitio Pamingitan, Barangay Bolong, este ciudad.
El Zamboanga City Police Office (ZCPO) Station 3 ya nombra con el irido chufer de motorsiclo ya conose como si Mark Bernard Saturinas, 25 años el edad y residente de Siocon, Zamboanga del Norte.
Con el irido bata mujer ya conose como si Jean Rivera, residente de Sitio Pamingitan, Barangay Bolong, este ciudad.
Base na investigacion del pulisiya, ta maneja motor si Saturinas maga alas 9:45 Biyernes aga estaba na Barangay Sangali y para na direccion del costa este cuando accidentalmente ya bangga ele con Rivera quien derefente lang ya crosa na camino.
Ambos si Saturinas y Rivera ya sustene irida pero nohay quere el chufer del motorsiclo para lleba conele na hospital.
Si Rivera admitido ahora na un privado hospital myentras si Saturinas bajo na custodiya del ZCPO Station 3. (B. Garcia)