Alas dos, del tarde Junyo 29, 2022, ya reporta un insidente de robo. Con victima ya conose como si Mary Agnes Dagipin Gajetos ,veinte ocho anios el edad, dalaga y un residente de Lorenzo St. Brgy, Putik. El mentionao persona ya enderesa na Police Station 11, junto con el un guardia nombrao como si Yakub Abraham para pidi el asitencia del policia. Ya identifica con el suspechao como si Jamal Sasapan Jumdail, veinte sinkong anios el edad, kasao y residente de Brgy. Sta. Barbara en este ciudad.
Na investigation ta aparese que alas tres y media del madroga el maga suspechao porsaomente ya detrosa con el ceiling del CYH dept.store, locao na Zaragosa St. Asigun, cuatro maga suspechao el ya puede captura na camera. Ya puede aresta con uno del maga cuatro suspechao y ya puede comfisca na su possecion un back pack color pink, singko pedaso del vail, cuatro peres de tsinelas, tres sling bags, cuatro real me power bank, un pedaso headphones, seis botella de perfume y un unit de tv que tiene na balor de 9,296.00.
Notable tambien que tiene monton de contucion na deferente parte de su cuerpo el suspehcao, ya lleva con ele na Zamboanga City Medical center para el corada medical. El maga personajes del mentionao estacion conduci follow up operation para el possible aresto del otro pa maga suspechao. (Regino Delos Santos)
