Alas tres singko de madrogada Junyo trenta, dos mil veinte dos, el maga personajes del Zamboanga City police station 2, que ta encabesa el diila station commander PMAJ. ALBIN CABACRUZ, Junto conel Zamboanga city Mobile Company Seaborne en coordination con el ajencia del city drug enforce unit, ya conduci drug buy bust operation na Purok 9, Brgy. Tugbungan; Que ya result ana aresto del suspechao identificao como si Allan Mapa y Samson, cuarentay anios, kasao y residente Little Tondo, Brgy. Talon Talon en este ciudad.
Durante del operation ya puede comfisca na possession del suspechao seis pedaso sachets que ta contene alegao shabu, cantidad de seis mil ocho sientos pesos, un gramo, y dos pedaso sien pesos como marked money.
Presentamente el acusao persona ta esta detinido na carcel del mentionao estacion. Si Mapa esperansao enfrenta caso criminal por el violacion del Republic Act 9165 o mas conosido como el comprehensive Dangerous Drug Act of 2022. Mientras conel comfiscao items ya somete na PNP regional crime laboratory para propio examination. (Regino Delos Santos)