Pasada alas siete del Biyernes denoche, el maga personajes del Police Station 6 (PS6) na liderato di Police Chief Master Sergeant Alharab Saleh ya conduci un operacion contra juego ilegal na Waray, Barangay Tetuan, en este ciudad.
El mencionao operacion ya resulta na aresto di Jefer Alana Bantoto, veinte nueve años de edad; Fernando Tubel Saradat, sincuenta’y seis años; y Victoriano Carabio Auman, sesenta’y otso años de edad, y residente de Barangay Tetuan.
Con el maga suspechao ya confisca durante el operacion tres coin de un peso y dosientos sincuenta pesos sen de apuesta.
El maga suspechao y el maga evidencia ya confisca canila ya lleva ya na Police Staion 11 para el propyo desposisyon. (Erica B. Javier)