El grupo del “Wushu” del ciudad de Zamboanga ya captura 17 medalla durante el “Wushu Sanda Invitational Tournament” que ya hace na Robinson na ciudad del General Santos desde Abril 12 hasta 14.
Asegun con Dr. Cecil Atilano, el Oficial de Desarollo Deportivo, ya habla el mga medalla que ya gana mga atleta del ciudad ta inclui siete medalla de oro, siete medalla de plata, y tres de bronze.
El Wushu Sanda compuesto de aplicacion de karate de Chino incluldo el aspeto de combate que ta inclui bombiada y luchada.
El evento na General Santos ya organiza el “King’s Sword Martial Arts” y ya participa mga grupo del otro parte del pais.
Si Atilano ya alaba con el grupo del Wushu del ciudad por lleva’r orgullo y honor con el ciudad de Zamboanga. (B. Garcia)