Retiradong huwis patay human malambigit sa disgrasya sa may uptown ning syudad

0
12

Cagayan de Oro – PATAY ang usa ka retired Regional Trial Court Judge human malambigit sa nahitabong panagbangga tali Kia Sorento ug Toyota Revo sa Mastersons Avenue gahapon.

Biktima’ng patay nailang si Gael Paderangga Jr., 78-anyos, samtang giila ang driver sa Toyota nga si Joshua Azuela Sr., hingkud ang panuigon ug residente sa Barangay Mambuaya ning ciudad.

Matud ni Police Station 8 Lumbia Investigator on-case Police Executive Master Sergeant kon PEMS Marlon Mabalos nga dead on arrival ang biktima sa ospital ug Base sa inisyal nga imbestigasyon nga gi-atake sa cardiac arrest ang retired judge hinungdan nga nag-zig-zag ang dagan sa gimanehong sakyanan ug napaingon sa dalan sa Toyota rason nga head-on nga nagbangga.

Naka-angkon og samad ug bun-og sa lawas ang sakay sa Toyota nga gilayong gidala sa balay-tambalanan.

Samtang wala pa’y kasabotan ang duha ka partido.

 

News and photo by Cheleste Simene

Leave a Reply