31.9 C
Manila
Thursday, April 18, 2024

Zamboanga: Govierno local ya celebra primer fiesta na Onse islas

- Advertisement -

El govierno local ya conduci competicion de Aquathlon durante el primer fiesta ayer, Mayo 21, na Onse Islas que ya participa maga atleta de aqui na ciudad de Zamboanga.

El competicion ta sirvi parte del celebracion del Zamboanga Verano Festival (Summer Festival) 2023.

El competicion de Aquathlon, que ta incluwi corida y nadada y compuesto de tres categoriya, ya participa maga atleta de diferente edad.

Aquellos quien ya gana na solo lagasan para el mga hombre (Solo Race Male) amo el mga siguientes: Paz Adjilani, primer puesto; Abdulhamid Berto, segundo puesto; y si Vyran Mark Yu, terser puesto.

Na solo lagagsan para el mga mujer (Solo Race Female) amo el mga siguientes: Danielle Filoteo, primer puesto; Cheska Filoteo, segundo puestol y si Althea Lleonet Rico, terser puesto.

Na “Relay category”, el mga ganadores amo canda John Abdul, primer puesto; Jethro Paul abilla, Segundo puesto; y si Jedd Rauf Marrack, terser puesto.

Con el competicion de Aquathlon ya organisa el oficina de turismo del ciudad y el Zamboanga Runners Club. (B. Garcia, photo courtesy of City Hall PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -