Un persona el arestao myentras P34,000 valor de suspechao shabu el ya confisca mga pulis na un operacion contra droga ilegal na provincia del Zamboanga del Norte.
Asegun con Police Colonel Glenn Dulawan, el Zamboanga del Norte police director, con el arestao suspechao ya conose como si Dan Vincent Jakosalem Eman, 35 años el edad y residente del Purok Waling-Waling Barangay Barra, ciudad de Dipolog.
Asegun con Dulawan cay con Eman ya aresta maga alas 9:17 del Sabado denoche alla na Purok Bougainvilla 1, Barangay Gulayon, ciudad de Dipolog.
Si Dulawan ya habla cay ya puede confisca na posesion de Eman 15 gramos de suspechao shabu que tiene el valor de P34,000, un motorsiclo, un cellphone, P100 dinero y P1,000 markao sen.
El mga confiscao evidencia y el arestao suspechao bajo ahora na custodiya del pulisiya del ciudad de Dipolog. (B. Garcia)