Despues de dos anios suspendido, ay comensa ya na biyernes, Hulyo uno, el programa de deportes del govierno local.
Asegun con el Doctora Cecil Atilano, el City Sports Development Officer, cay el aka veinte sinco Basic Sports Camp ay conduci na Mayor Vitaliano Agan coliseum.
Por causa del pandemia, si Atilano ya habla cay en este anio programa limitao lang na mga juego de uno y dos personas como el Archery, Arnis, Athletics, Badminton, Boxing, Chess, Dancesports, Gymnastics, Karatedo, Pencak Silat, Sepaktakraw, Swimming, Table tennis, Taekwondo, Tennis, Weightlifting, Wushu, and E-One 7.
Si Atilano ya habla cay limitao na mil cuatro sientos el numero del participantes que tiene el edad desde ocho para kinse.
Tiene el total de 140 trainers kien ay ase el entreno de deportes bajo el supervision del oficina de Atilano.
Asegun con el official cay solamente maga bata tiene bakuna contra Covid-19 el puede participa na programa de deportes del govierno local. (Cristine Falcasantos, photos courtesy of City Government of Zamboanga Facebook page)