Un compania de productos agricultural el ya dona 10 tonelada arroz como suporta na programa del gobierno local na esfuerzos de ayuda en tiempos de calamidades.
El compania que ya dona arroz nombrao como el Saiddi Agri-Farm and Trading Incorporated, un compania de Filipino y uno del mga investor na Zamboanga Economic Zone and Freeport Authority na Barangay Talisayan, en este ciudad.
El mga representantes del mencionao compania ya entrega con el 10 tonelada de arroz compuesto de 400 saco con el Alcalde John Dalipe enfrente del City Hall del Lunes tarde.
Cada uno del 400 saco tiene el pesades de 25 kilos arroz o el total de 10 tonelada.
Si Dalipe ya rindi gracias con Saiddi Agri-Farm and Trading Incorporated por el donacion hablando hay ayuda ya este omenta con el reservao arroz para usa na esfuerzos de ayuda. (B. Garcia, photo courtesy of John Dalipe Facebook page)