Total de 22 mga personajes del 11th Infantry Division (ID) el ya subi el ranggo despues que ya demonstra sila de ila maxima dedicacion na servicio de militar, asegun con el 11ID del Martes.
Asegun con el 11ID, el 22 soldao ya subi para na mga siguiente ranggo de: uno Master Sergeant; six Staff Sergeant; ocho para na Sargento; y siete corporal.
Si Major General Ignatius Patrimonio, el comandante del 11ID, ya felicita con aquellos nuevo ya subi el ranggo y reconoce el de ila merecida promocion.
Si Patrimonio ya apela canila para continua trabaja con excelencia y ya ase canila acorda cay de ila promocion to accompania grande responsibilidad na servicio y na pais.
El ponida del nuevo insignias del mga personajes que ya subi el ranggo ya encabesa si Patrimonio durante el ceremonia de la bandera na Campo Teodulfo Bautista na Jolo, Sulu del Lunes.
El ponida del nuevo ranggo en un tradicion de tiempo honrado que ta celebra y reconoce el de ila excelencia y sobresaliente capacidades de liderato de aquellos quien ta adelanta na de ila carrera militar. (B. Garcia, photo courtesy of 11ID)