El gobierno local ya ingura con el P29.99 millon proyecto de crematorio aqui na ciudad del Miercoles.
El crematorio, un lugar para el cremacion del mga muerto, ya construi na un 146 metro cuadrados lote Barangay Mampang donde locao tamen el columbario del ciudad.
Na Barangay Mampang tamen locao el cementerio publico del ciudad de Zamboanga.
El Alcalde John Dalipe, quien ya encabesa con el inaguracion del crematorio, ya habla cay libre pa el usada del facilidad pendiente el aprobacion na consejo del ciudad el ordinansa que hay regula el operacion del crematorio.
El Vice Alcalde Josephine Pareja y algun mga consejales del ciudad el ya man hunto con Dalipe durante el ceremonia de inguracion del Miercoles del crematorio.
Asegun con Dr. Dulce Amor Miravite, el oficial de salud del ciudad, ya declara operacional con el crematorio siguiendo el complimiento del todo mga requisitos que ya impone el mga concierne agencias.
Con el crematorio ya construi el un privado contractor con el supervision del Oficina del Enginieria del Ciudad. (B. Garcia)