El gobierno local ya inicia entreno, ya designa y ya delega con mga personajes del barangay para el aplicacion de ley de trafico na comunidades.
Este de conformidad con el Ordenanza 621 que ya promulga el consejo de ciudad del Octubre 2, 2023 y ya aprova el Alcalde John Dalipe del Octubre 16, 2023.
El entreno diseniao para enseña con el mga participantes queda efectivo ejecutores de efectivo trafico y para efectivamente acomplici y administra eficiente trafico na mga camino principal na de ila comunidades.
Cada un barangay ya imbia sinco representantes con quien ya recomenda el de ila respetivo barrio capitan del 98 barangay.
Asegun con Dalipe, el entreno ya conduci en sinco grupo desde Agosto 5 hasta 9 y ya participa total de 500 personajes de barangay que ta inclui mga oficiales de seguridad publico, pulis de barangay, sereno, y otros pa.
Asegun con Dalipe, el mga ejecutores de trafico na barangay hay ayuda con el mga asistente de trafico del ciudad y unidad de administracion de trafico del policia local na implementacion del mga proviciones del Ordinanza 248 na de ila respetivo juridicciones.
Base na Ordinanza 621, el mga ejecutores de trafico na barangay debe hace el funccion del asistente de trafico y empoderao dale tiket de citacion con mga violador de leyes de trafico. (B. Garcia)