Si Police Senior Master Sergeant Ryan Mariano del Zamboanga City Police Station 9 (ZCPS9) hay recivi P100,000 premio desde’l gobierno local por su valenterias y dedicacion na servicio.
El anunicio ya hace el Alcalde John Dalipe durante el ceremonia de bandera del Lunes aga enfrente del City Hall.
Na mismo tiempo, si Dalipe ya expresa grandes elogios con Mariano, un miembro del ZCPS9 Station Drug Enforcement Team (SDET), quien ya puede neutraliza dos personas mas buscada recientement.
“Como el de ustedes alcalde y en calor del gobierno del ciudad de Zamboanga, ta extende yo mio profundo gratitud por el de tuyu sincero dedicacion para salvaguarda con el vidas del comunidad Zamboangueño,” si Dalipe ya habla na su mensaje durante el ceremonia de bandera enfrente del City Hall.
Si Mariano ya neutraliza dos personas mas buscada durante un tirahan que ya ocuri cuando designao ele rendi servicio de seguridad na paroquia del Our Lady of Mount Carmel na Barangay Ayala del visperas de año nuevo.
Si Mariano admitido ahora na hospital cay ya heri tamen ele durante el tirahan.
El tirahan ya socede cuando ya tira el dos personas mas buscada con Mariano, quien enseguidas ya invisti canila que ya resulta na muerte del dos suspechao. (B. Garcia)