El Business One-Stop-Shop (BOSS) ya recivi total de 2,183 aplicaciones para nuevo y renovacion de registracion por medio del aplicacion electronico, o eBOSS, desde alas 5 del Domingo tarde.
Asegun con Benjie Barredo, el jefe del division de licensias y permisos comerciales, o Business Permits and Licensing Office (BPLO), 2,160 del total aplicaciones de 2,183 el ya evalua ya, y 1,805 el scedule para paga ya.
Si Barredo ya habla, 355 aplicantes el ya paga ya de ila debido, mientras 318 permisos el ya impresa y ya dale ya con mga negociantes.
El operacion del eBOSS ya comensa del Enero 2, el primer dia de trabajo para el año 2025. El eBOSS hay esta abierto hasta na Enero 20.
Mientras el aplicaciones de negocios ta hace por medio de sistema electronico, el BOSS na Centro Latino na Paseo del Mar hay esta abierto alas 8 del aga hasta alas 8 del noche durante el entre semana y desde alas 8 del aga hasta alas 5 del tarde durante el fin del semana y dia de vacacion, para facilita y asisti con mga aplicantes quien ta pasa desafiante con el sistema de eBOSS.
Mientras tanto, el pagada de impuesto commercial, puede paga na mga designao centro de pago: BOSS na Centro Latino, Oficina de Tesoreria na City Hall y centro de pago na SM City Mindpro n calle La Purisima. (B. Garcia)Â