Nisugod na pagbisita sa mga barangay sa dakbayan ang Bagong Pilipinas Mobile Clinic aron maghatod og libreng sebisyo medikal ngadto sa mga Pagadianon.
Adlawng Lunes, unang giserbisyohan niini ang mga katawhan sa Brgy. Santiago diin adunay gipahigayon nga flu vaccination, libreng laboratory services, x-ray, ultrasound, libreng tambal ug libreng konsultasyon ngadto sa mga residente sa nasangpit nga barangay.
Molibot sa mga barangay ang maong mobile clinic aron mahatagan og oportunidad ang katawhan sa mga serbisyong panglawas nga walay bayad.
Ang maong serbisyo namugna pinaagi sa inisyatiba ni Presidente Bongbong Marcos Jr. kaabag ang Department of Health ug Integrated Provincial Health Office sa Zamboanga del Sur uban ang suporta ni Gov. Victor J. Yu, Cong. Divina Grace Yu ug Cong. Victoria Yu
(Source: Victory Zamboanga del Sur Facebook page)Â