El gobierno local por medio del Local School Board (LSB) que ta encabesa el Alcalde John Dalipe hay empleya na otro año de escuela 250 maestro y maestra para na escuelas publicos de elementaria y secundaria aqui na ciudad.
Este despues que 20 mga posiciones de maestro y maestra de LSB bajo el alocacion de 2024 hay empleya ya na mas temprano tiempo dentro de este año de escuela.
Asegun con Dalipe, 13 del 20 posicion amo para secundaria y el restante siete para de elementaria.
El mga posicion es parte del 250 mga vacante puesto de enseñansa ya aloca para este año.
Asegun con Dalipe, el empleyada de 250 maestro y maestra para na otro año de escuela es base na resolucion que ya aprova durante el hunta del LSB del Viernes.
Na mismo tiempo, el LSB ya aprova el proyectos, programas y actividades (PPAs) que ya somete el Oficina de Division de Escuelas del Ciudad.
El PPAs hay tene alocacion bajo’l sobra fondo del especial de educacion de 2023 na cantidad de P65.3 millones. (B. Garcia) (Photo Courtesy of Zamboanga Public Information Office)