El Gobernador Jim Hataman-Salliman ya reitera su llamada de unidad y reconciliacion cuando ya administra le el juramiiento del mga nuevo elejido y reelegido Oficiales del barangay y Sangguniang Kabataan (SK) na municipio de Tabuan-Lasa, Basilan.
El ceremonia de juramiento na Tabuan-Lasa del Martes amo el ultimo del serie de semehante actividades que ya conduci si Salliman despues que ya proclama con mga ganadores del Octubre 30 eleccion del mga oficiales de barangay y SK.
Na un corto mensaje, si Salliman ya llama con mga oficiales de barangay y SK del Tabuan-Lasa para uni y conciliar, a pesar de todo de ila diferiencia durante el ultimo periodo de eleccion.
Ya conseja le canila que trabaja con sinceridad, honestia, y dedicacion para el bien del de ila barrio, municipio y entero provincial.
Ya habla si Salliman canila cay el Basilan ya mejora ya comparando con el tiempo de antes siendo ya transforma ya el provincia na mga aspeto de economiya, social, political por causa del mejorao paz y seguridad.
Si Salliman ya rindi gracias con mga hefe ejectivo local na Basilan por el invitacion conele para administra el serie de ceremonia de juramiento despues del eleccion del Octubre 30.
(B. Garcia, photo courtesy of Ronda del Basilan)