- Advertisement -
General Santos City – Kapin sa 30 ka mga opisyal sa lokal nga gobyerno gikan sa mga probinsya sa Sultan Kudarat ug Saranggani ang nagpailalom sa social protection planning dinhi.
Si Arthur Gabucan, Planning Officer miingon nga kining mga LGU officials gitahasan sa pag-ila sa mga risgo ug kahuyang nga giatubang sa mga indibidwal, pamilya ug komunidad.
Siya miingon, “kini nga mga risgo moabut sa upat ka mga matang nga mao ang indibidwal nga mga risgo sa siklo sa kinabuhi, mga risgo sa kinaiyahan, mga risgo sa ekonomiya ug mga risgo sa pagdumala.”
Kung nahibal-an na kini nga mga peligro, gipatin-aw ni Gabucan nga ang mga LGU espesipikong makatubag sa mga lakang sa pagpagaan ug pagtubag.
“Ang tumong dinhi mao ang pagpalihok kanila sa pagporma sa social protection situationer ug pagplano alang sa mas maayong paghatud sa mga programa ug serbisyo sa pagpanalipod sa katilingban aron mapataas ang kahimtang sa panginabuhi sa mga kabus nga huyang ug mga kabus nga katawhan,” pasabot ni Gabucan.
Ang maong aktibidad mao ang unang batch sa mga representante sa LGU nga mopailawom sa social protection training enhancement karong tuiga gikan sa 3 ka batch nga mo-apply usab sa whole-of-government approach sa pagsulbad sa mga risgo nga giila. (Rey Ombana, photo courtesy of DSWD-12)
- Advertisement -
