Esperansao implementa mga programa y capacitacion para mejora pa mas el sabidoria y abilidad del mga soldao y empleyado del Western Mindanao Command (Westmincom).
Ese el cosa ya descuti durante el junta de Brigadier General Krishnamurti Mortela, el assistant deputy chief of staff for education, training and doctrine, y Tiniente General William Gonzales, comandante del Westmincom.
Si Mortela ya visita con Gonzales na Campo Navarro aqui na ciudad de Zamboanga del Martes y ya descuti sila cuantos mga importantes asuntos.
Asegun con Gonzales tiene sila que ase mga mejoras por medio en capacitacion para alomenos consistente puede sila compli de ila mandato y mission.
Durante de ila junta, ya extende si Gonzales y Mortela de ila cada’y cual palabra de gratitud y comendacion.
(B. Garcia, photo courtesy of Westmincom PIO)