El mga personajes del 15th Civil Military Operations (15CMO) Battalion exitosamente ya facilita con el ceremonia de entrego para del mga donao materiales de biblioteca na un escuela na municipio del Indanan, Sulu.
Asegun con el 15CMO Battalion, el recipiente del mga donao libros amo el Kasambuhan Village Elementary School na Barangay Tagbak, Indanan.
Asegun con el 15CMO Battalion, con el mga donao libros ya entrega durante un ceremonia de entrego del Viernes na Kasambuhan Village Elementary School.
Asegun con el 15CMO Battalion, el donacion de libros tiene el objetivo proporciona esencial materiales de biblioteca, incluido libros y materiales de referencia para mejora con acceso de sabidurias del mga estudiantes.
Con el ceremonia de entrego ya atende mga oficiales del militar, escuela, miembros de facultad, lideres de comunidad, y mga entusiastico estudiantes quien con ancias recivi con el muy necesario libros.
Si Teniento Coronel Samuel Bayongasan, el comandante del 100th Infatry Battalion, quien el huesped de honor, ya expresa su gratitud con todo con aquellos ya contribui na iniciativa, enfatizando el importancia del leida y acceso na recursos educativo.
Si Señora Satra Mohammad, el principal del Kasambuhan Village Elementary School, ya extende tamen su gratitud con el mga donantes, descatando el positivo efecto del donaciones con mga estudiantes. (B. Garcia)