El gobierno provincial del Basilan bajo el liderato de Gobernador Jim Hataman-Salliman hay hace subi el sueldo del mga empleyados efectivamente este mes de Agosto.
Asegun con Salliman, el provincia del Basilan ta esta uno del mga unidades de gobierno local na pais que hay implementa omento salario del mga empleyados.
Asegun con Salliman, el omento del salario del mga empleyados de gobierno provincial que efectivo este mes de Agosto de confromidad na directiva del Departamento de Presupuesto y Gestion o DBM como el cosa ya ordena de mas temprano el Presidente Ferdinand Marcos Jr. na su Direccion del Estado del Nacion o SONA del Julio, este año.
Asegun con Amad Alawan Intan Gordana, el official de presupuesto provincial, su oficina hunto con el Oficina de Gestion de Recursos Humanos ta hace ya el necesario ayustamiento del salario na rol de pago del todo departamentos.
El provincia de Basilan amo el terser provincia, donde el mga empleyados del gobierno provincial ta recivi todo’l de ila beneficio desde’l tiempo ya asumi si Salliman como el gobernador.
Puera con el omento salario, el gobierno provincial de Basilan hay dale tamen P7,000 subsidio medico y otro P7,000 subsidio para ropa. (B. Garcia)