Asegun con Coronel Richard Verceles, operations chief del Area Police Command-Western Mindanao, con el tres arestao personas ya conose como canda Bauddin Abdul, treynta’y tres anios, Asari Ebbah, veinte tres, y si Abdul Naser Hamjadi, veinte tres anios el edad.
Asegun con Verceles cay el con el tres suspechao ya aresta maga alas siete y media anoche cuando maga pulis y personajes del Buro de Aduana ya columbra un jungkong myentras ta man patrulya sila serca na isla na Manalipa, este ciudad.
Asegun cay el jungkong ta carga no menos de sesenta’y ocho cahon y cuarenta’y nueve pakete de cigarillo sin document cuando ya inspecciona maga otoridad con el jungkong.
Asegun con Verceles cay el maga smuggled cigarillo estaba na provincia de Sulu y ta lleva para na Zamboanga Sibugay.
El tres arestao personas, el jungkong y maga cigarillo bajo ahora na custodiya del Buro de Aduana para el priopio disposision. (Bong Garcia)