El oficina regional del Departamento de Bienestar Social y Desarollo (DSWD) esperansao distribuji 42,000 saco de aros con mga pobre familia na Region 9.
Ese el cosa ya descuti el mga oficiales y representantes del Oficina del Presidente y mga oficiales del oficina regional del DSWD y otro concierne agencias de govierno na un hunta del Domingo.
Ya anuncia el oficina regional del DSWD cay el distribucion del aros ay ase na ciudad de Zamboanga.
Inicialmente, total de 3,000 familias bajo el “Pantawid Pamilyang Pilipino Program (4Ps)” del DSWD na ciudad de Zamboanga, el identificao como mga beneficiarios del ayuda de aros mientras 1,000 familias de 4Ps de Tungawan, Zamboanga Sibugay y Sibuco, Zamboanga del Norte, respectivamente, ay recivi semehante ayuda.
El oficina regional del DSWD ya coordina ya con el Oficina de Defensa Civil (OCD) para el omento suporta de logistico y ase de fronto el transportacion del mga aros para na Tungawan, Zamboanga Sibugay y Sibuco, Zamboanga del Norte.
Asegun con el DSWD cay el aros entendido para satisfice con el necisidades del mga pobre familias y para solva con el problema de subida del precio del aros na mercao publico.
El igualmente distribucion de mga saco de aros ay comensa na mga dias que viene ng mga sercanos provincial, asegun con el DSWD. (B. Garcia, photo courtesy of DSWD-9)