El Departamento de Obras Publicas y Carreteras, o DPWH, ya completa P10 millones componida o rehabilitacion de camino na provincia del Zamboanga del Norte. Asegun con el DPWH-Zamboanga Peninsula, el nuevo completao proyecto amo el rehabilitacion de 550 metros cuadrados del camino de Liloy para Siocon na Barangay Kauswagan, Baliguian, Zamboanga del Norte. Asegun con el DPWH, el proyecto de rehabilitacion del 550 metros cuadrado del camino de Liloy para Siocon na Baliguian hay solve con el problema de landug, timpak de inclinacion, y del lugar propenso man timpak el tierra. Asegun con el DPWH-Zamboanga Peninsula, el mejorao camino hay garantiza el mas segurao y mas eficiente viaje del mga residentes y negocios, mejorando conectividad. El proyecto ta suporta tamen con el actividades de economico local facilitando el transportacion del mercancias y servicios mientras ta fortalece el resiliencia de desastre del region. Asegun con el DPWH-Zamboanga Peninsula, el proyecto ya demostra el dedicacion del agencia para entrega infraestructura sostenible que hay beneficia con el comunidades na provincia de Zamboanga del Norte. Con alocacion de P10 millones desde’l Ley General de Asignaciones de 2024, con el proyecto ya implementa el Oficina de Ingenieria del DPWH na cuarto distrito del Zamboanga del Norte. (B. Garcia)