El Departamento de Obras Publicas y Carreteras, o DPWH, ya completa el implementacion del P30 millones proyecto de camino de acceso na uno del mga municipios na provincia del Zamboanga del Sur. Asegun con el DPWH-Zamboanga Peninsula, con el proyecto ya implementa na Barangay Balas, Aurora, Zamboanga Sibugay.
Asegun con el DPWH, el completada del proyecto ta mejora el accesibilidad para na sitio de ecoturismo con el largor de 1,960 metros para anda na crucero por el rio de Balas.
Asegun con el DPWH, desde’l antes dos carriles porcion del camino, ahora tiene ya el total de cuatro carriles que ta garantiza un mas segurao viaje y rapido, impulsando turismo y negocios local.
El DPWH ya habla, hay beneficia tamen el mga siembradores con el nuevo anchao camino, facilitando el llevada de mecancias y mejorando el respuestas de emegencia. El mga oficiales local y residentes ya alaba con el desarollo, mirando con el proyecto como un paso vital para el crecimiento economico na Zamboanga del Sur.
El Oficina de Ingenieria del Primer Distrito del DPWH na Zamboanga del Sur amo el ya implementa con el proyecto. (B. Garcia)