Ta continua el construccion del nuevo “multi-purpose” edificio que ay sirvi como mercao publico na ciudad de Isabela, provicia de Basilan.
El Enginiera Cayamombao Dia, el director regional del Departamento del Orbras Publicas y Carretera (DPWH), ya habla del Lunes el proyecto ta incluwi el contruccion de dos andanas facilidad con el valor de P70 millon que ay acomoda con mga diutay y grande negocio na provincia.
El edificio de multi-purpose, que ta construji na 8,830 metro cuadrado lote, esperansao sirvi con el necesidades de cada dia del mas or menos 130,379 vivientes del ciudad de Isabela.
“Si completa, el nuevo mercao publico ay queda el centro de actividades de economiya, que ay dale oportunidad de negocio con mga vivientes y siembrador,” asegun con Dia.
El construccion del facilidad ta implementa el oficina de enginieriya del distrito de Isabela del DPWH usando fondo desde’l 2023 presupuesto annual. (B. Garcia, photo courtesy of DPWH-9)