El Alcalde del ciudad John Dalipe yan turnover ayer Lunes aga con el cheque que un incentivo para con el man hermana Rose Jean y Rosegie Ramos por el buen performance de estos na mundo de deportes durante el Asian Youth and Junior Weightlifting Championships que ya conduci na Tashkent, Uzbekistan.
Si Rose Jean un deci seis anios ya puwede captura cuatro gold,unu silver y unu bronze medalya na 45kg category y ya puede recivi valor de P650,000 cash incentive mientras si Rosegie deci otso anios ya puwede captura tres gold medals y ya recivi P375,000 cash incentive.
Tiene tambien ya recivi incentive el diila coach, si Allen Diaz que tiene valor de P512,500. Huntu con el alcalde durante el ceremonya el City Sports Director Cecil Atilano y otros pa maga Department Heads.
(Cristine Falcasantos) Photo Courtesy from: City Government of Zamboanga Page