- Advertisement -
Irido el dos personas na un incidente de tiro ya ocuri mga alas onse y media anoche alli na Sitio Don Ramon, Barangay Kasanyangan, este ciudad.
El Police Station 6 ya nombra con el mga victima como canda Mudzfar Juli, treynta’y sinco anios, y si Rasid Nurjan Alamia, treynta’y dos anios el edad.
Asegun na investigacion del pulisiya cay durmido ya el dos victima na de ila boarding house cuando tiene quien ya man tuk-tuk na de ila cuarto.
Cuando ya abre puerta si Juli, enseguidas ya tira canila el suspechao.
Asegun con el pulisiya cay si Juli ya conose con el suspechao como un tal Zaldimar quien enseguidas ya escapa.
Con el dos mga victim ya lleba na ospital de ila mga vicinos. (April Boy Regino)
- Advertisement -
