Ya encontra muerto con dos na separao lugar aki na ciudad de Zamboanga.
El pulisiya local ya conose con el dos victima como canda Ibnohasim Hamid, treynta’s siete anios, y si Al-Dizon Baharon, veinte’y cuatro anios el edad.
Asegun con el Police Station 4 con Hamid ya encontra muerto maga alas dies sincuenta del aga ayer alla na Barangay Landang Gua, Isla de Sacol.
Asecon con el pulisiya cay si Hamid ya sufri mucho irida de tajo y cuatro dias ya murte cuando ya encontra con su resto.
Asegun cay el familya ya reporta na pulisiya local cay por sinco dias ya ta esta perdido si Hamid.
Myentrastanto, asegun con el Police Station 11 cay con Baharon ya encontra muerto mga ala una kinse del tarde ayer alli na Suba Cabao, Barangay Mariki, este ciudad.
Asegun na investigacion del pulisiya cay si Baharon, un chufer, ya sale na casa de Hunyo veinte y ya anda na casa de Hatib Ismael na Barangay Kasanyangan para maneja el jeep del su abuelo.
Desde akel tiempo, nohay mas bolbe na casa si Baharon, asegun con el Police Station 11. (April Boy Regino)
