Maga personajes del Police Station 11 ya aresta con dos personas, incluhido uno de quien nombre na lista del campanya contra droga ilegal, aki na ciudad de Zamboanga.
El Police Station 11 ya nombra con el arestao suspechao de quien nombre entrao na lista del campanya contra droga ilegal como si Ron Jon Sarao, treynta’y siete anios y su companiero, si Jefferson Marcos, cuarneta’y seis anios el edad.
Asegun con el pulisiya cay con el dos suspechao ya aresta na un buy-bust operation del Sabado aga na un motel alli na Barangay Canelar, este ciudad.
Ya recubri na posesion del dos suspechao no menos de cuatro gramos de suspechao shabu que tiene el valor de veinte siete mil dosientos pesos y dosientos persos markao sen.
Detenido ahora el dos suspechao myentras esperansao planta canila asunto na jusgado po el violasion de ley de droga ilegal. (April Boy Regino)
