Tres personas, inluhido in jovencito, ya iri na un incidente de explosion del Sabado alla na ciudad de Lamitan provincial de Basilan.
Asegun con el pulisiya con el maga victima ya conose como canda Sarimin Isnain, treynta’y tres anios, Hapizan Alba, catorse anios, y si Usman Alba, deci-nueve anios el edad.
Asegun con el pulisiya cay ta atende un casamiento el maga victima cuando ya teine un explosion maga alas dies de Sabado aga alla na Barangay Lebbu, ciudad de Lamitan, Basilan.
Con el maga victima, quien ya sustene irida na diferentas parte del cuerpo ya lleba inicialmente na hospital de Lamitan y despues ya transferi para na un hospital aki na ciudad del Zamboanga.
El pulisiya ta continue de ila investigasion para determina si quien el echor del incidente. (April Boy Regino)
