Mga pulis ya aresta con dos personas na un buy-bust operation del Martes denoche na Barangay Canelar, este ciudad.
Si Police Major Sonny Boy Perez, hefe del Police Station 10, kien ya encabesa con el operacion, ya nombra con el mga arestao suspechao como canda Arjay Toribio, veinte siete anios y Rodman Reyes, veinte tres anios el edad.
El grupo de Perez ya puede recubri na posesion del mga suspechao valor de tres mil cuatro sientos pesos suspechao shabu, portamoneda, caja de posporo y dos sientos persos marked money.
Con el dos suspechao ya detene na Police Station 10 pendiente el plantada de formal asunto contra canila. (Jennyrose Delos Santos)