Un turtuga nombrao como “Olive Ridley” el ya larga na canto’y aplaya del Barangay Dohinob, Roxas, Zamboanga del Norte, asegun con el Departamento de Medio Ambiente y Recursos Naturales o el DENR.
Antes del largada, si Themistocles Yaco, el Marine Turtle Hatchery and Rescue Center Technician, ya encontra con el turtuga ya pone 95 juevos mga alas 5:09 del Sabado aga na Barangay Dohinob.
Despues del medicion, colectada del necesario detalies y ponida señal, si Yaco ya larga con el turtuga para na mar, marcando un gran exito para proteje con el vida marina.
El turtuga conocido ta pone juevos dos para sinco veses cada tiempo con dos semanas descanso cada tiempo.
Asegun con Yaco, el pugaran del turtuga ta cabe 40 hasta 100 juevos, enfatizando el significancia de protejer con el mga lugar de pugaran.
El oficina comunitaria de medio ambiente y rescursos naturales del Manukan, Zamboanga del Norte, ta anima contodos para activamente contribui na proteccion del mga turtuga.
(B. Garcia, photo courtesy of DENR Zamboanga Peninsula)