General Santos City – Gidakop sa Alabel Municipal Police Station ang unom ka mga tawo ang nga nalambigit sumala pa sa ginabawal nga sugal.
Subay sa talaan sa Alabel PNP, Enero 29 samtang naga patrolya ang kapulisan naaktuhan ang nagasugal sa sulod sa usa ka compound.
Gumikan niini gidakop sa kapulisan ang unom ka mga tawo, adunay naga edad 34-anyos, 47-anyos, 50-anyos, 55-anyos, 56-anyos, ug 65-anyos nga gikan sa managlahi nga barangay sa Alabel.
Nakuha sa pulis ang mga baraha nga gigamit sa sugal, kolor pula ug ang kwarta nga taya nga naga kantidad og kapin usa ka libo ka pesos.
Ang unom gidala sa estasyon samtang gina andam ang ilang kaso may kalabotan sa paglapas sa Presidential Decree 1602. (Jun Abelo)Â