El govierno del provincial del Zamboanga del Sur ya compra mga nuevo vehiculo para del Provincial Disaster Risk Reduction and Management Office (PDRRMO) y otro mga departamentos del provincia.
El gobernador del Zamboanga del Sur Victor Yu hunto el el Congresista Divina Grace Yu del primer distrito del provincial ya entrega ayer con el mga nuevo comprao vehiculo na diferente oficina del provincia.
El PDRRMO ya recivi tres vehiculo para usa sila si responde na llamada de emergencia o calamidad.
Si Abraham Capayas, el encargao del PDRRMO, ya rindi gratitud con Yu por el suporta ta recivi sila.
Asegun con Capayas grande ayuda el mga nuevo vehiculo na de ila trabajo na tiempo de emergencia y calamidad.
El otro mga nuevo comprao vehiculo ta incluwi sinco trak, sinco L-300 jeep and un van que ya distribuji na otro mga oficina del govierno provincial de Zamboanga del Sur. (Bong Garcia)