Mipa-abot sa iyang pasalamat ang usa ka residente gikan sa Brgy. Galas uban sa iyang asawa ngadto kang City Mayor Darel Dexter T. Uy sa ilang pagbisita sa opisina niini.
Nasayran, ang maong residente gi-ila nga si Darryl Embih Tawi, 45 ang pangidaron ug iyang asawa si Lea Tawi, 42 ang pangidaron nga pareho’ng lumulupyo sa Purok Paraiso, Brgy. Galas.
Sumala ni Mr. Tawi, tumong sa ilang pagbisita ni Mayor Uy ang pagpa-abot sa ilang pagpasalamat ngadto sa halangdong mayor alang sa nadawat nila nga ayuda sa panahon nga adunay siya’y gihambing balatian sa lawas partikularmente ang bukol nga mitubo sa iyang nawong.
Dugang pa niya, wala nagmakuli  paghatag og tabang ang halangdong mayor uban ang iyang kapikas si Ms. Vanessa Uy sa dinali-an nga pagpahiluna kaniya nga mapatan-aw sa usa ka espesyalista didto sa Manila, paglibre sa temporaryong pagpuyo kaniya didto sa nasangpit nga lungsod, pag-abaga’ sa gastos pagpa-opera kaniya ug paghatag sa mga gikinahanglanon sa iyang pamilya.
Sa katapusan, misaysay si Mr. Tawi nga tubag sa ilang pag-ampo ang pamilya ni Mayor Uy ug kanunay sila nga mapasalamaton nga nahimong instrumento ang pamilya ni Mayor Uy sa pagtabang kanila sa ilang gi-atubang nga pagsulay.
(Source: Dipolog City Government Facebook page)