Naghiusa ang mga opisyal sa probinsya ug nagkalain-laing ahensya sa gobyerno sa Joint 1st Quarter Meeting sa Provincial Peace and Order Council ug Provincial Anti-Drug Abuse Council nga gipahigayon Marso 16 sa Zamboanga del Norte Convention and Exhibition Center sa Dipolog City.
Gihisgutan sa maong tigom ang mga update ug estratehiya aron mapalig-on ang kampanya batok sa ilegal nga droga ug mapadayon ang kalinaw ug kahapsay sa probinsya pinaagi sa mas hugot nga koordinasyon sa mga ahensya sa gobyerno.
Lakip sa mitambong si FSUPT Richard C. Timosa, Acting Provincial Fire Marshal sa Bureau of Fire Protection Zamboanga del Norte, kauban ang ubang mga opisyal ug partner agencies nga nagtinabangay alang sa seguridad sa probinsya.(JENIFFER JR. DELICA)
Source: BFP R9 Zamboanga del Norte Provincial Office