Bisan paman ug nakatala na ug 324 ka mga kaso sa Covid-19 ang lalawigan sa Zamboanga del Norte, nagoabilin gihapon kining ilawom sa MGCQ kun Modified General Community Quarantine.
Duna lamang pipila ka mga probisyon ang gimando aron mapugnga gihapon ang paspas nga pagkuyanap sa pandemya sa lalawigan sama sa pagpakita ug negatibong resulta sa RT-PCR test kun APOR gkan gawas sa probinsya o mga RoF nga mipauli gikan gawas sa nasud.
Kun ugaling RoF nga negatibo, mamahimo na lamang kining mag-home quarantine imbis nga sa lokal nga isolation facilities.
Nagpabilin gihapon ang liquor ban sa tibuok probinsya, apan sa pampublikong lugar lamang.
Gidili gihapon ang sugal ug uban pang mga kalihukan nga mamahimong resulta sa tapok o physical contact.
Gipatuman lamang gihapon ang curfew hours alang mga sa Senior Citizen ug kabataan nga alas-6 sa kagabhion, ug alas-10 sa gabie usab alang sa nga adults o anaa na sa legal nga pangidaron.
Gawas sa mga ginadili, duna usab pipila nga gitugot na sama sa mga hulinghayaw nga mamahimo rang masunod ang physical distancing, apan sulod lamang sa probinsya sa Zamboanga del Norte.
Ang maong Executive Order gikan sa Kagamhanang Probinsyal ipatuman ngadto sa Nobyembre 30 niining tuiga ug mamahimong malugwayan pa kun padayon ang pagsaka sa kaso sa Covid-19 sa Zamboanga del Norte.
(Provincial Information Office | OIC Lyza Bautista, RPN DXKD Dipolog)
