Gihatagan ug otoridad si Governor Roberto Uy sa Sangguniang Panlalawigan alang sa pagpirma sa Memorandum of Agreement (MOA) sa ngalan sa kagamhanang probinsyal sa Zamboanga del Norte tali na sa Department of Health Zamboanga Peninsula-Center for Health Development alang na sa financial assistance.
Kini pinasikad sa giduso nga resolution ni Board Member Crisologio Decierdo atul sa regular session sa Sangguniang Panlalawigan kaniadtong Lunes, Oktubre 26 diin may kalabot na sa ₱ 19,800,000.00 nga financial assistance.
Subay usab kini sa 2020 Medical Assistance to Indigent Patients (MAIP) Program sa DOH Hospitals ug ubang pinili nga Government Health Facilities.
Ilawum sa maong kasabutan gisaysay nga ang probinsya sa Zamboanga del Norte walay financial obligation gawas nga iseguro lamang niini nga adunay tambal ug uban pang health care services nga kinahanglan sa indigent ug kabus nga mga pasyente.
Dugang iseguro nga ang maong kantidad bugtong mapadulngan niini mao lamang ang Zamboanga del Norte Medical Center. (Provincial Information Center | OIC Lyza Bautista, RPN DXKD Dipolog)