Zamboanga: Dalaga arestao na ‘buy-bust operation’ na Campo Islam

0
1

Un veinte uno años de edad mujer de quien nombre incluwido na lista na campanya contra droga ilegal del autoridad el ya aresta maga pulis ayer aqui na ciudad de Zamboanga.

Asegun con Police Major Benzar Bairulla, hefe del Police Station 1 del Zamboanga City Police Office, con el arestao suspechao ya conose como si Nicole Almonte, un residente de Barangay Tugbungan, este ciudad.

Asegun con Bairulla, con Almonte ya aresta na un “buy-bust operation” maga alas dies y media del Lunes denoche na Barangay Campo Islam, este ciudad.

Si Bairulla ya habla cay ya puede recubri na posesion de Almonte suspechao shabu que tiene el valor de un mil siento sincuenta’y seis pesos, pitaka, y dosientos pesos markao sen.

Detenido ahora si Almonte na quartel del Police Station 1 myentras ta prepara ya el pulis maga documentos para planta formal asunto contra conele. (B. Garcia)

LEAVE A REPLY

Please enter your comment!
Please enter your name here