34.7 C
Manila
Thursday, March 28, 2024

Milyones valor de contrabando ya confisca na Zamboanga

- Advertisement -

El fuersa naval na Weste Mindanao hunto con otro agencias de govierno ya confisca maga contrabando del ayer que tiene el cantidad de milyones de pesos.

Asegun con el comandante del fuersa naval na Weste Mindanao Rear Admiral Donn Anthony Miraflor cay el maga contrabando ya confisca sila del Lunes tarde compuesto de cuarenta’y cuatro mil kilos de sebolyon y tresientos drum de crudo y gasolina.

Asegun con Miraflor cay con el mga sebolyon ya puede confisca abordo na un vehiculo de carga y na un lancha nombrao como “MJ Marisa” pundiao na varadero na Barangay Cawit, este ciudad.

Con el tresientos drum de crudo y gasolina ya confisca abordo na otro lancha nombrao como “ML Zhary” pundiao tamen na varadero de Cawit.

El maga confiscao contrabando, vehiculo y lancha ta esta bajo na custodiya del fuersa naval y esperansao entrega na Buro de Aduana para el propio disposision (B. Garcia) (Photo Courtesy of Naval Forces Western Mindanao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -