Irido el un consejal na un accidente vehicular na costa weste de este ciudad, asegun con el pulisiya local del Lunes.
Asegun con Police Colonel Alexander Lorenzo, el Zamboanga City Police Office (ZCPO) director, el accidente ya ocuri mga alas 5:02 del Domingo tarde na vicinidad del un estacion de gasolina na Barangay Ayala es este ciudad.
Si Lorenzo ya nombra con el victima como si Concejal Jerome Santos, un residente de Barangay Labuan, de este ciudad.
Base na investigacion, ta maneja motorsiclo si Santos de camino pa bolbida na Barangay Labuan cuando ya man bangga con ele un tricycle ta maneja si Julie Ponce Pollescas, 42, un vendedor de fescao.
Asegun con Lorenzo cay base na investigacion, derefente ya bira si Pollescas mientras ta maneja le tricycle para na direccion del pueblo y pa encuentro con Santos.
Con Santos, quien ya sufri irida na codo y rudillas, ya lleba para na Labuan General Hospital para el curada medical. (B. Garcia)