Ya encontra muerto con un siembrador na Barangay Salaan, na costa iste de este ciudad, asegun con el pulisiya local del Lunes.
El Zamboanga City Police Station 4 (ZCPS4) ya nombra con el victima como si Roderico Delos Reyes, 40 años el edad.
Asegun con el ZCPS4 cay con el victima ya encotra muerto na Sitio Machucan, Barangay Salaan, este ciudad, mga alas 8:18 del Sabado denoche.
Asegun con el ZCPS4 cay con el victima ya encontra si Petong Cañido, quien ta columbra con el cadaver myentras ta anda le para na su jardin.
Na investigacion del ZCPS4 ta aparece con Delos Reyes tiene quien ya lansia base na visible irida de puñalada na su perscueso.
El ZCPS4 ta continue de ila investigacion para determina si quien el echor del incidente que ta result ana Muerte de Delos Reyes. (B. Garcia, photo courtesy of ZCPS4)