Con un padre ya palmadia el un persona despues del un misa ayer dia de Domingo na municipio de Kaasalan, Zamboanga Sibugay.
Si Coronel Albert Larubis, el Zamboanga Sibugay police director, ya nombra con el padre como si Leo Pugot Salomes, treynta’y ocho años el edad, el padre na iglesia del San Isidro Labrador na Barangay Nazareth na municipio del Kabasalan.
Asegun con Larubis cay con Salomes ya palmadia si Elizar Sedencio, cuarenta años el edad y residente del Purok uno, Barangay Nazareth, Kabasalan.
Asegun con Larubis cay el incidente ya ocuri maga alas dose veinte sinco del Domingo tarde adentro mismo del iglesia del San Isidro Labrador despues que ya acaba celebra misa si Padre Salomes.
Asegun con Larubis cay ya rabia si Sedencio cay nohay conele otorga ase enseniansa de relihyon si Salomes durante el misa cay hinde man ele un padre.
Si Larubis ya habla cay con Sedencio ya aresta maga Barangay Tanod despues del incidente. (Bong Garcia, Jr.)